جسٹس عائشہ اے ملک پر مشتمل ہائی کورٹ (ایل ایچ سی) کے سنگل بنچ نے لاہور کے سابق لارڈ میئر کرنل (ر) مبشر جاوید اور دیگر کی جانب سے دائر درخواست پر سماعت کی۔
درخواست گزاروں نے عدالت (ایل ایچ سی) کے سامنے بیان دیا کہ صوبائی حکومت سپریم کورٹ کے فیصلے کے باوجود مقامی حکومتوں کو بحال نہیں کررہی ہے۔
ان کا کہنا تھا کہ حکومت سپریم کورٹ کے فیصلے پر عملدرآمد کرنے میں ناکام رہی ہے ، جس کی وجہ سے حکومت پنجاب کے خلاف توہین عدالت کی کارروائی شروع کی جانی چاہئے۔
25 مارچ کو ، چیف جسٹس گلزار احمد کی سربراہی میں سپریم کورٹ کے بنچ نے ایک مختصر حکم کے ذریعے ، پنجاب لوکل باڈیز ایکٹ کی دفعہ 3 کو آئین کی خلاف ورزی قرار دیتے ہوئے صوبہ پنجاب میں مقامی حکومتوں کو بحال کرنے کا حکم دیا۔
اعلی عدالت نے مقامی حکومتوں کو تحلیل کرنے کے حکومت کے فیصلے کو غیر آئینی قرار دیا۔ سپریم کورٹ نے 5 جولائی کو اپنا تفصیلی فیصلہ جاری کیا۔
